Kulumbaisha 83:10 - Baibo Busansulushi Bwa Libuku Ili

¹⁰ Bamaami abo mwakabalobya muEndoli, mituntu yabo yakabola pabulongo.

Kulumbaisha 83:10 Marejeleo ya Msalaba

2 Baami 9:37

Sheshi shikaacaale shilaakupalanganishikwa anga ngamafumba. Taaku muntu weshi akashishiibe ayi nshakwe Jesebelo.’ ”

Jelemiya 16:4

Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Sefaniya 1:17

Mwaami Lesa waamba ayi, “Ndaakuleta mapensho kubantu balaakweenda anga mboofu mukwiinga bakabisha kuli ndime neMwaami Lesa. Bulowa bwabo bulaakutilwa anga ngamaanshi alimwi mituntu yabo ilaakubola mubulongo.”

Joshuwa 17:11

Ono mucishi cakwe Isaka alimwi acakwe Asha, Manase wakalinga kucitilemo ndabala ya Beti Shani, Ibuleyamu pantu pomwi abantu ba mundabala ya Doli ili muloombe lwa Lweenge, Endoli, Taanaki alimwi aMegido, kubikaawo amishi ishingulukite mandabala ayo.

Boomboloshi 4:15

Lyalo Mwaami Lesa wakapilinganya Sisela, bashilumamba balwanina mushikoci alimwi abashilumamba bakwe bamwi boonse akubakoma. Mpomunyaawo Sisela wakasotoka kuswa mucikoci cakwe akucica.

Boomboloshi 4:16

Balaki lakwe wakatandaanya bashilumamba balwanina mushikoci abashilumamba bamwi boonse kuya mukushika kuAlosheti Agoyimu. Bashilumamba bakwe Sisela bakacaikwa boonse cakwaamba ayi taaku wakacaala.

Boomboloshi 5:21

Mukuuku wa maanshi muLweenge lwa Kishoni, wakabatola boonse. Ncakwiila ngamaanshi eenda lubilo muMulonga wa Kishoni. Nebo ndaakweenda, ncakwiila ndaakweenda cankusu.

Boomboloshi 7:25

Bakacata bamaami bobilo ba bene Midyani Olebu aSebu. Olebu bakamucaila kulibwe lya Olebu. Alakwe Sebu wakacailwa mucilindi cakutyaninamo minyansa cakwe Sebu. Bakatolelela kuya butandaanya bene Midyani. Kuswawaawo bakaleta mutwi wakwe Olebu awakwe Sebu kuli Gidyoni uyo wakalinga kwicwe lya Joodani.

1 Samwelo 28:7

Mpomunyaawo Saulo wakaambila bacinenenene bakwe ayi, “Amunyandweeteko mwanakashi waamba amishimu kwaamba ayi njeeko mukusonda.” Mpeeke bacinenenene bakwe abo bakakumbula ayi, “Nkwaali kundabala ya Endo.”