Kulumbaisha 82:8 - Baibo Busansulushi Bwa Libuku Ili

⁸ Amunyamuke nobaLesa, amoomboloshe cishi ca panshi. Mukwiinga mishobo yoonse ili mumaansaanu.

Kulumbaisha 82:8 Marejeleo ya Msalaba

Kulumbaisha 102:13

Mulaakunyamuka akunyumfwila nkumbu pandabala inene ya Siyoni, mukwiinga ciindi cakwiilekelela cashikila. Ee, ciindi ceelete cashikila.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 2:8

Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

Kulumbaisha 22:28

mukwiinga bweene mbwa Mwaami Lesa, ngoolela pakati ka mishobo yoonse.

Kulumbaisha 44:26

NobaLesa, amunyamuke mwise mutucaafwe! Amutupulushe ceebo ca lusuno lwanu lutamaani.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Kulumbaisha 94:2

Amunyamuke noboomboloshi ba bantu boonse, amuboosheshe beshikulisumpula shintu nshebeelete.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”