Kulumbaisha 81:8 - Baibo Busansulushi Bwa Libuku Ili

⁸ Ono amunyumfwe, nobantu bangu, nshentoomucenjesha. Mwebo nobene Isilaeli ndamusenga ayi munyumfwile.

Kulumbaisha 81:8 Marejeleo ya Msalaba

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 17:7

Mpeeke musena uyu bakootumba ayi Masa alimwi ayi Meliba, mukwiinga bene Isilaeli bakatongooka alimwi akweelesha Mwaami Lesa ndibakaamba ayi, “Sa Mwaami Lesa ncakwiila uli aswebo nabi tau?”

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Shakubelenga 20:13

Cikani ici cakacitikila kuMeliba, uko bene Isilaeli nkobakatongookela Mwaami Lesa, alakwe nkwaakababoneshesha ayi ulisalalite.

Joni 3:11

Ntookulwiita calushinisho ayi tulaamba nshetwishi akupa bukamboni bwa shintu nshetwakabona, sombi mwebo tamusumini maswi esu, sobwe.

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

Dutolonomi 5:27

Boolela webo Mose uye unyumfwe shoonse Mwaami Lesa, Lesa wesu nsheshi aambe. Wamana uboole use utulwiite sheshi aambe. Tulaakukutika akukonkela.’

1 Joni 5:9

Tulashoma bukamboni bwa bantu, sombi bukamboni bwakwe Lesa buleendaawo. NguLesa mwiine wakapa bukamboni ubu paMwanaakwe.