Kulumbaisha 81:3 - Baibo Busansulushi Bwa Libuku Ili

³ Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 81:3 Marejeleo ya Msalaba

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 15:19

Beshikulisha tusenke nguEmani, Asafu alimwi aEtani.

1 Makani 15:24

Shebaniya, Joshafati, Netanelo, Amasayi, Sekaliya, Benaya alimwi aEliyesa bapailishi bakasalwa ayi banoolisha mapeenga kunembo lya Libokoshi lya Cipangano. Obedi Edomu alimwi aJeiya abalo bakasalwa ayi babe beshikulindilila Libokoshi lya Cipangano.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 16:6

Bapailishi bobilo, Benaya alimwi aJaasiyelo mbobakalinga kulisha mapeenga kunembo lya Libokoshi lya Cipangano.

1 Makani 25:1

Mwaami Defedi abacinenenene ba Ŋanda yakwe Lesa bakasala cipani cakwe Asafu, Emani acakwe Jedutuni pakati ka bene Lefi kutanjilila mulimo wakulambila Mwaami Lesa. Bakasalwa ayi banokwiimba shabulaluki mukusebensesha tulumbu tunene atuniini alimwi atusenke twakulisha. Meena a bantu aba ngaaya:

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

2 Makani 13:14

Bene Juda bakabona kwaamba ayi babashinguluka. Mpeeke bakalilila Mwaami Lesa ayi abacaafwe. Mpomunyaawo bapailishi bakalisha mapeenga.

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

2 Makani 5:12

Beshikwiimba boonse bene Lefi mbuli Asafu, Emani a Jedutuni kubikaawo abana babo abamakwababo bakeemikana kulubasu lwakwicwe lya cipaililo bakafwala shisani shiteshimite kabalisha tusenke twakulisha, tulumbu tunene atuniini. Pakalinga abapailishi bali 120 bakalinga kulisha mapeenga.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Kulumbaisha 149:3

Abalumbaishe liina lyakwe uku kabashana, amulishe misebe atulumbu.

Kulumbaisha 33:2

Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!

Kulumbaisha 98:6

Amulishe mapeenga ameeca a mbelele shisankwa, moolobeshe cakusangalala kuMwaami Lesa utulela!

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Dutolonomi 16:15

Mukanoolemeka Mwaami Lesa, Lesa wanu kwiinda mukusekelela uku kwanshiku shosanwe ashobilo, kumusena weenka womwi wakulambililaako. Mwaami Lesa ulaakumupa coolwe mukutebula kwanu amumilimo yanu yoonse, aboobo mulaakusangalala abuumbi.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.