Kulumbaisha 81:12 - Baibo Busansulushi Bwa Libuku Ili

¹² Lyalo ndakabaleka acimpamya cabo. Ndakabaleka ayi bakonkele nshila shabo.

Kulumbaisha 81:12 Marejeleo ya Msalaba

Matalikilo 6:3

Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”

2 Baami 18:12

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo, sombi bakapwaya cipangano ncaakapanga ambabo akukaka milawo yoonse yakabapa Mose, musebenshi wa Mwaami Lesa. Tabakwe kumukutika nabi kumunyumfwila.

Neyemiya 9:16

Sombi balo bamashali besu bakulukulu bakalisumpula akuba beshicimpamya. Bakakaka kunyumfwila milawo yanu.

Jobo 8:4

Bana bako bakabishisha Lesa, aboobo wakabapa mulandu kweelana akubisha kwabo.

Kulonga 11:9

Mwaami Lesa wakalinga waambila Mose kataanshi ayi, “Mwaami Falawo ulaakutolelela kutakunyumfwila, kwaamba ayi nkacite ashimwi shaankamiko muIjipiti.”

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Isaya 42:24

Anu ngani wakaaba bamulunyungu lwakwe Jakobo ayi babe shintu shakubwesabo? Ngani wakaaba bene Isilaeli kwaamba ayi babe shintu shakusaalabo? Sa te nguMwaami Lesa uyo ngotwakabishila? Tatukwe kwikala buumi ubo mbwaasuni nabi kukonkela milawo yakwe.

Jelemiya 42:21

Ono sunu ndamulwiita, sombi tamutoonyumfwila Mwaami Lesa, Lesa wanu muli shoonse isho nshaakantuma ayi mwaambile.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Osiya 9:17

Lesa wangu ulaakubakaka ceebo tabakwe kumunyumfwila. Bene Isilaeli balaakuba beshikwiingooka pakati ka mishobo imwi.

Bene Lefi 26:14

Mwaami Lesa wakaamba ayi, “Na mukabule kukonkela milasho yangu, mulaakupekwa mulandu.

Milimo ya Batumwi 14:16

Kale kale Lesa wakaleka bantu ayi inga bacita cili coonse kweelana akuyanda kwabo.

Milimo ya Batumwi 7:42

Sombi Lesa wakabafutatila akubaleka ayi banoolambila nyenyeenshi sha mwiculu, kweelana ambuli mbomulembetwe mulibuku lya balaluki bakulukulu ayi, ‘Mwebo nobene Isilaeli! Sa ndime mwakalinga kubengela milambu akupa shipo kwamyaaka makumi one muluyanga? Sobwe.

Bene Loma 1:24

Paceebo ceeci Lesa wakabaleka kwaamba ayi bacite shintu shibiibi isho shisuni myoyo yabo, aboobo balacita shintu shilensha nsoni beene abeene kumibili yabo.

1 Samwelo 8:19

Bantu abo tabakwe kumunyumfwila Samwelo, sombi bakatolelela kwaamba ayi, “Sobwe, swebo tulisunibo mwaami,