Kulumbaisha 8:6 - Baibo Busansulushi Bwa Libuku Ili

⁶ Mwakamupa nkusu shakulela shintu shoonse nshemwakalenga, ncakwiila mwakamupa bweendeleshi bwa shintu shoonse.

Kulumbaisha 8:6 Marejeleo ya Msalaba

Matalikilo 1:26

Ono Lesa wakaamba ayi, “Atulenge muntu mucikoshanyo cesu, anooboneka anga ndiswe. Bakanokweendelesha nswi sha mumaanshi, bayuni bauluka, banyama bafubwa, banyama bamuluundu ashilongolo shinene atuniini sheenda panshi shoonse.”

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 9:2

Banyama abayuni boonse alimwi answi shoonse shinanookala kashikuloonda. Shoonse shabikwa mumaansaako.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Bene Efeso 1:22

Lesa wakabika shintu shoonse ayi shinokweendeleshekwa aKlistu akumupa Bwaami pashintu shoonse sha coonde.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Bene Ebulu 2:8

akumupa bweendeleshi bwa shintu shoonse.” Twanyuumfwa ayi Lesa wakapa muntu bweendeleshi bwa shintu shoonse. Ici cilaamba ayi taaku cintu citabete mubweendeleshi bwakwe. Nakubi boobo abobulya muntu tatumuboniiwo kweendelesha shintu shoonse.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.