Kulumbaisha 79:1 - Baibo Busansulushi Bwa Libuku Ili

¹ NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Kulumbaisha 79:1 Marejeleo ya Msalaba

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

2 Makani 36:17

Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Kulumbaisha 78:71

Wakamubwesa nkwaakalinga kweembela mbelele akumubika ayi abe mweembeshi wa bamulunyungu lwakwe Jakobo. Wakaba mweembeshi wa bantu bakwe bene Isilaeli.

Kulonga 15:17

Mulaakubaleta akubekalika pakalundu kanu, musena, noBaami baLesa, uyo ngomwakasala ayi ube ŋanda yanu. Ŋanda yakumulambililaamo, noBaami baLesa, njemwakayaka nobeene.

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 39:8

Mpomunyaawo bene Babiloni bakatenta ŋanda ya bwaami amaanda a bantu akupwayoola lubumbu lwa Jelusalemu.

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Esekelo 9:7

Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.