Kulumbaisha 73:1 - Baibo Busansulushi Bwa Libuku Ili

¹ Ncakwiila Lesa ngumubotu kubene Isilaeli, kubantu batacite kampenda.

Kulumbaisha 73:1 Marejeleo ya Msalaba

1 Makani 15:17

Lyalo bene Lefi bakasala Emani mwanaakwe Jowelo, amukwabo Asafu mwanaakwe Belekiya, alimwi aEtani mwanaakwe Kushaya kuswa kucipani cakwe Melali.

1 Makani 16:37

Mwaami Defedi wakasala Asafu abene Lefinyina ayi basebensele kunembo lya Libokoshi lya Cipangano bushiku abushiku.

1 Makani 16:7

Ndyelyeelyo Defedi ndyaakapa Asafu abene Lefinyina lwiimbo ulu lwakulumba Mwaami Lesa.

1 Makani 6:39

Asafu ngowakalinga mutanjilili wa likoto lya beshikwiimba lyabili. Asafu wakalinga mwanaakwe Belekiya, Belekiya wakalinga mwanaakwe Shimeya,

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 24:4

Ngooyobo ucita shisalalite, utacite cibiibi mumoyo. Ngooyo utalambili shibumbwabumbwa, nabi kubeca pakushomesha cakulumbila.

Kulumbaisha 42:11

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Kulumbaisha 73:18

Ncakwiila bamucita shibi mwebo mulaakubatola pabuteshi. Mulaakubawisha kushikila balo bakanyonyooke.

Kulumbaisha 83:1

NobaLesa, mutakutumanibo, mutoomunibo tontolo sobwe, alimwi mutanoolangilishabo.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Mateyo 5:8

“Balicite coolwe abo basalalite mumyoyo, mukwiinga balaakubona Lesa.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Bene Loma 4:16

Lesa wakashomesha mukwiinga Abulaamu wakamushoma kwaamba ayi bamulunyungu lwakwe Abulaamu batambule cipo muluse lwakwe. Teshi kubaabo bakonkela Milawo beenka. Sombi abaabo bashoma bwakashoma Abulaamu ceebo Abulaamu ngoishiwesu soonse sotushoma.

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.