Kulumbaisha 72:3 - Baibo Busansulushi Bwa Libuku Ili

³ Cishi ca tulundu ici aciletele bantu banu lusumpuko. Bantu bekalaamo abeende mubululami.

Kulumbaisha 72:3 Marejeleo ya Msalaba

Kulumbaisha 65:12

Mumafulo muliswitebo shifubwa. Lyalo munshaatulundu mulaba kusangalala.

Kulumbaisha 72:16

Amukabe shili anga ngamaila shiinji mucishi cakwe coonse. Shishango ashikanefume patulundu. Ashikacate anga nsheesho sha kuLebanoni. Mandabala anene aakasule bantu, mbweeke bwiisu mbobuswite muluundu.

Isaya 45:8

“Webo oliculu kwiculu uko, losha bululami bweenka makumbi mbwaalosha mfula. Acalo cishi ca panshi acibutambule kwaamba ayi muli ncico lupulusho abululami shiboneke. Nebo neMwaami Lesa ndimeshi nengeshe ayi cicitike.”

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 60:17

“Mumusena wa bulonse nebo ndaakukuletela golodi alimwi ndaakukuletela silifa mumusena wa nshimbi. Ndaakulengesha luumuno kuba anga ngomweendeleshi wako, abwalo bululami anga ngomuleli wako.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.