Kulumbaisha 72:2 - Baibo Busansulushi Bwa Libuku Ili

² Lyalo akalele bantu banu cakutanyengelela, akweendelesha cabululami bantu banu balyatililwa.

Kulumbaisha 72:2 Marejeleo ya Msalaba

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Tushimpi 29:14

Na mwaami kaaombolosha bweelete milandu ya bakandu, ncakwiila ulaakweendelesha ciindi cilaamfu.

Isaya 32:1

Amubone kulaakuba mwaami weshi akanoolela cabululami. Abalo beendeleshi balaakunokweendelesha cakutanyengelela.

Isaya 32:17

Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.