Kulumbaisha 72:12 - Baibo Busansulushi Bwa Libuku Ili

¹² Ceebo ulafuna bakandu na bamulilila, abalyatililwa abo batacite shikubacafwa.

Kulumbaisha 72:12 Marejeleo ya Msalaba

Jobo 29:12

ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Kulumbaisha 102:17

Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Kulumbaisha 72:4

Mwaami wanu aakoomboloshe bakandu cakutanyengelela. Aakacafwe bataaku mbobabete, akupwayoola baabo babalyatilila.

Luka 7:22

Lyalo Jesu wakakumbula bashikwiiya bakwe Joni ayi, “Kamuya mukalwiite Joni shoonse nshimwabona akunyumfwa, boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu mumushimu batooshimikilwa Makani Abotu.

Kulumbaisha 102:20

Wakanyumfwa kutongela kwa bakaili, Wakaangulula baabo bakapekwa milandu yakucaikwa.”

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.

2 Samwelo 14:16

Ndakayeeya ayi mpashi nobaami inga mwasumina kumpulusha kumusankwa uyo usuni kuncaya pantu pomwi amwanaangu musankwa, ee kutukusha mucishi cakatupa Mwaami Lesa ayi ncesu.

Jobo 36:15

Nacibi boobo Lesa uleeisha bantu kwiinda mumapensho. Ulabaleka ayi bapenge abuumbi kwaamba ayi bacaluke meenso.

Kulumbaisha 55:17

Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.

Tushimpi 29:7

Ululeme ulishi bweelete kucitilwa bakandu, sombi mucita shibi lakwe taababikiko maano.