Kulumbaisha 71:6 - Baibo Busansulushi Bwa Libuku Ili

⁶ Kuswa kukushalwa kwangu ndishomete muli ndimwe. Mwakandama kwaamba ayi nshalwe kabotu. Aboobo ndaakunoomulumbaisha lyoonsebo.

Kulumbaisha 71:6 Marejeleo ya Msalaba

Kulumbaisha 22:11

Mutekali palaale anebo ceebo mapensho ali pafwaafwi kumbonekela, alimwi taaku umwi weenga wancafwa, sobwe.

Kulumbaisha 34:1

Nebo ndanoolumbaisha Mwaami Lesa lyoonse. Mulomo wangu teshi ukacilekeewo kumulumbaisha.

Kulumbaisha 40:4

Balicite coolwe abo bacinkite manungo muMwaami Lesa. Ee, abo batasandukili kushibumbwabumbwa nabi kusenkana abaabo balambila tulesa twakubeca.

Kulumbaisha 71:14

Sombi nebo kulangila kwangu kunanooli muli ndimwe lyoonse. Ndanoomulumbaishabo lyoonse alyoonse.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Jelemiya 3:4

Sa teshi ndimwe mwalinga kunjita coonoonobo ayi, ‘Ta,’ akwaamba ayi, ‘Mwebo muli beensuma kuswabo katucili bacikula bwangu.

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.