Kulumbaisha 71:13 - Baibo Busansulushi Bwa Libuku Ili

¹³ Abo basuni kuncaya abalobelele munsoni shabo. Ee, abo basuni kuncisa abanyonyooke cakusebaana akushibulukwa.

Kulumbaisha 71:13 Marejeleo ya Msalaba

Esita 9:2

Mpeeke baJuda bakabungana mumandabala abo mushipansha shoonse sha cishi ca mwaami Sakisesi kwaamba ayi balwane abaabo bakalinga kusuni kubacaya. Taaku muntu wakakonsha kubakoma ceebo bamumishobo yoonse bakalinga kubaloonda abuumbi.

Kulumbaisha 109:29

Balwani bangu abalenshekwe nsoni, ee, nsoni shibafwekeleshe anga ncakufwala.

Kulumbaisha 132:18

Ndaakulensha nsoni balwani bakwe, sombi buleelo bwakwe bulaakuyuma akuswitilila.”

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 35:4

Abasebaane akulenshekwa nsoni abo boonse batoofwima buumi bwangu. Babooleleemo kabaloketwe abo boonse basuni kunyonyoola buumi bwangu.

Kulumbaisha 6:10

Balwani bangu boonse balaakulokwa akulikumbata. Cakufwambaana balaakupiluka akufwa nsoni shiinji.

Kulumbaisha 70:3

Boonse abo banenga buluya akuseka abakoongumanishikwe ceebo cakukomwa.

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Isaya 41:11

“Anu boonse bamucenenena, balaakulenshekwa nsoni akusebaanishikwa. Ee, boonse bamulwana palaakubulabo, balaakuloba.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”