Kulumbaisha 7:9 - Baibo Busansulushi Bwa Libuku Ili

⁹ NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

Kulumbaisha 7:9 Marejeleo ya Msalaba

Matalikilo 20:5

Abulaamu mwiine wakandwiita ayi ngunankashi yakwe alakwe mwiine Saala wakasuminisha. Ici ndakacicita amiyeeyo iluleme alimwi taaku cibiibi ncendacita.”

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulumbaisha 10:15

Amupotolole maansa bamucita shibi aba kwaamba ayi babule nkusu. Amubape mulandu pabubi bwabo kushikila batakabucitiiwo tubili.

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulumbaisha 139:1

NoBaami baLesa mwakanangananga aboobo mulinshi.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Kulumbaisha 18:21

Ncakwiila ndakonkela nshila sha Mwaami Lesa. Nshikwe kubisha kwiinda mukufutatila Lesa wangu.

Kulumbaisha 26:2

NoBaami baLesa, amunjeleshe akumbona kabotu, mulangelange kabotu mumoyo wangu amiyeeyo yangu.

Kulumbaisha 35:23

Amukalale ono noBaami baLesa, mumfuneeko. Amunyamuke baLesa bangu muŋambilileeko.

Kulumbaisha 37:23

Mwaami Lesa ulatanjilila bantu kuya munshila iyo njebeelete kweendaamo, alimwi ulafuna baabo bamusangalasha.

Kulumbaisha 40:2

Mpeeke wakansubula kuswa mucilindi ca lufu umo mwakalinga cineemuneemu ca mankatya. Lyalo wakambwesa akunjimika pamwaandami, ncakwiila pamusena apo pataapu cakulisukama.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Kulumbaisha 9:9

Mwaami Lesa nciyubilo ca baabo balyatililwa, alimwi ndilinga lya mabwe muciindi ca mapensho.

Kulumbaisha 96:10

Amwaambile mishobo yoonse ayi, “Mwaami Lesa ngumwaami. Cishi ca panshi ciliimfwi mumusena womwi, aboobo tacitenkaani. Lesa uyo ulaakoombolosha bantu boonse cabululami.”

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Jelemiya 11:20

Lyalo ndakapaila ayi, “NoBaami baLesa beShinkusu shoonse, mwebo nomoombolosha cabululami akweelesha myoyo amiyeeyo ya bantu. Cikani cangu ndacitula mumaansaanu. Ono ntooyanda kumubona kamuboosha cishole pabantu aba.”

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 20:12

NoBaami baLesa beShinkusu shoonse, mwebo nomweelesha kululama kwa muntu akucenceenta mumoyo amumiyeeyo, aambone kamubooshesha cishole pali mbabo ceebo mulandu wangu ndoobika mumaansaanu.

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.