Kulumbaisha 7:8 - Baibo Busansulushi Bwa Libuku Ili

⁸ Mwebo muloombolosha mishobo yoonse, Amuŋomboloshe kweelana akululama kwangu noBaami baLesa, ee, kweelana akubula kampenda kwangu mwebo noMwiindaawo.

Kulumbaisha 7:8 Marejeleo ya Msalaba

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Matalikilo 31:53

Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

2 Makani 20:12

Mwebo ndimwe baLesa besu! Amubape mulandu mukwiinga swebo tatukoonshi kulwana bashilumamba baanji aba. Tatucishi cakucita, sombi tutoolanga kuli ndimwe ayi mutucaafwe.”

Kulumbaisha 11:4

Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Kulumbaisha 25:21

Kushomeka kwangu abululami bwangu shimfuune, mukwiinga kulangila kwangu kuli muli ndimwe.

Kulumbaisha 26:1

NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.

Kulumbaisha 26:11

Sombi nebo mubuumi bwangu nshicite kampenda, amunangilishe cakunyumfwila nkumbu akumpulusha.

Kulumbaisha 41:12

Ee, mulancafwa ceebo ndacita shiluleme alimwi mwakambika mubulemu bwanu ayi nookala mumo lyoonse alyoonse.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 78:72

Lyalo Defedi wakabeembela ca moyo womwi, akubatanjilila abweendeleshi bwakwe bwa busongo.

Kulumbaisha 82:1

Lesa ngooendelesha nkuta yakwe ya kwiculu. Ngowoombolosha akutimbula makani pakati ka balesa ayi,

Kulumbaisha 9:8

Ulalela cishi ca panshi cabululami akoombolosha mishobo yoonse bweelete.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Tushimpi 19:1

Muntu mukandu utacite kampenda ngumubotu kwiinda muluya ucite mulomo uya bubeca.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.