Kulumbaisha 7:6 - Baibo Busansulushi Bwa Libuku Ili

⁶ NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 7:6 Marejeleo ya Msalaba

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

Kulumbaisha 103:6

Mwaami Lesa uloombolosha cabululami. Ncakwiila balyatililwa ulabacitila sheelete.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 138:7

Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.

Kulumbaisha 143:3

Balwani bangu balantandaanya, alimwi bandyatoola mukunkoma. Bankalika mumunshinshe. Ndaba anga ngumuntu wakafwabo kalekale.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 35:1

NoBaami baLesa amulangane abaabo batoolangana anebo. Amulwane abaabo batoolwana ndime.

Kulumbaisha 35:23

Amukalale ono noBaami baLesa, mumfuneeko. Amunyamuke baLesa bangu muŋambilileeko.

Kulumbaisha 44:23

Amubuke noBaami baLesa! Ceebonshi mutoocita anga mulilete? Amulisakamune! Mutatoleleli kutufutatila.

Kulumbaisha 44:26

NobaLesa, amunyamuke mwise mutucaafwe! Amutupulushe ceebo ca lusuno lwanu lutamaani.

Kulumbaisha 59:5

NoBaami baLesa Beshinkusu shoonse, baLesa ba bene Isilaeli. Amunyamuke mupe mulandu bakunsengwe boonse. Mutalekeli nabi womwi pabaabo baashu bapinga kuncaya pataapu aceebo.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Kulumbaisha 74:3

Amwise mubone matongo aya. Balwani besu banyonyoola Ŋanda yanu. Ncakwiila shoonsebo muŊanda yanu.

Kulumbaisha 78:65

Lyalo Lesa wakabuka anga ngumuntu walinga kulete, alimwi anga ngumuntu wakolwa waini ukali.

Isaya 3:13

Ono Mwaami Lesa wekala pacuuna cakwe ca koombolosheshaawo. Bulya wanyamuka kwaamba ayi oomboloshe bantu bakwe.

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?