Kulumbaisha 67:7 - Baibo Busansulushi Bwa Libuku Ili

⁷ Lesa watupa coolwe, aboobo bantu boonse mucishi ca panshi abamulemeke.

Kulumbaisha 67:7 Marejeleo ya Msalaba

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Milimo ya Batumwi 13:26

“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa!

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Milimo ya Batumwi 13:47

Mukwiinga Mwaami Lesa wakatupa mulasho wakwaamba ayi, ‘Ndakubika kwaamba ayi ube mumuni kubaswamashi bakunsengwe, kwaamba ayi bantu boonse ba mucishi bapulushikwe kwiinda muli ndiwe.’ ”

Milimo ya Batumwi 2:28

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi.’

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Bene Galatiya 3:9

Abulaamu wakashoma, mpeeke Lesa wakamupa coolwe. Aboobo boonse bashoma balapekwa coolwe bweenka bwakapekwa Abulaamu.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulumbaisha 33:8

Paceebo ceeco nsengwe yoonse ailemeke Mwaami Lesa! Ee, nobantu ba mucishi ca panshi noonse amumupe bulemu!

Bene Galatiya 3:14

Klistu wakacita boobo kwaamba ayi coolwe Lesa ncaakashomesha Abulaamu cipekwe akubaswamashi bakunsengwe boonse kwiinda muli nguwe. Ncakwiila akwaamba ayi kwiinda mulushomo tukatambule Mushimu Usalashi ngwaakashomesha Lesa.

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.