Kulumbaisha 67:1 - Baibo Busansulushi Bwa Libuku Ili

¹ NobaLesa amube aluse pali ndiswe akutupa coolwe. Amutulange meenso a nkumbu

Kulumbaisha 67:1 Marejeleo ya Msalaba

Kulumbaisha 119:135

Amunyumfwile nkumbu nemusebenshi wanu akunjiisha milasho yanu.

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 31:16

Amunangilishe nemusebenshi wanu akunyumfwila nkumbu. Amumfuune ceebo ca lusuno lwanu lutamaani.

Kulumbaisha 4:1

Kamunkumbula ndimpaila nobaLesa baluleme. Ndindakalinga mumapensho, mwakancafwa. Ono amube aluse pali ndime akukumbula mupailo wangu.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Kulumbaisha 6:1

NoBaami baLesa mutankalalili cabukali, alimwi mutangumi cakubisha moyo.

Kulumbaisha 76:1

Lesa ulishibikitwe mucishi ca Juda, liina lyakwe lilalemekwa muIsilaeli.

Kulumbaisha 80:19

NoBaami baLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 80:7

NobaLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Dutolonomi 21:8

NoBaami baLesa, amulekelele bantu banu bene Isilaeli abo mbomwakakusha mucishi ca Ijipiti. Amutulekelele alimwi mutatupi mulandu wakucaya muntu utakwe kubisha.’