Kulumbaisha 66:3 - Baibo Busansulushi Bwa Libuku Ili

³ Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 66:3 Marejeleo ya Msalaba

Jobo 25:2

“Lesa ulicite bwaami, boonse balyeelete kumulemeka. Lakwe uleendelesha liculu muluumuno.

Kulumbaisha 18:44

Ee, na banyumfwa liswi lyangu balanyumfwila. Baswamashi balamfukamina mukumpa bulemu.

Kulumbaisha 18:45

Ncakwiila boonse balaloonda, balaswa mobayuba kabatutumabo.

Kulumbaisha 47:2

Mwaami Lesa wa kwiculu Wiindaawo ulayoosha. Lakwe nguMwaami wa nkusu ulela cishi coonse ca panshi.

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Kulumbaisha 68:30

Amukalalile Ijipiti, ulya munyama wamuluundu ukala mumatete. Amukalalile mishobo ili anga nditanga lya bacende aboombe. Babombye kushikila bakakuletele shipo sha silifa. Amupalanganye boonse bamusembela kulwana.

Kulumbaisha 76:12

Lakwe ulamana kulisumpula kwa bamaami, bamaami boonse ba mucishi ca panshi balamuloonda.

Kulumbaisha 81:15

Uyo woonse umpatite inga wafukama caboowa pameenso angu. Mulandu wabo inga watolelela kwalyoonse alyoonse.

Kulonga 15:21

Milyamu wakatalika kubeembila ayi, “Amwiimbile Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.”

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 25:3

Paceebo ceeco mishobo yankusu ilaakumulemeka. Ee, bantu ba mumandabala a mishobo itacite nkumbu ilaakuloonda.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Isaya 64:3

Kale kale mwakalinga kucita shintu shikankamika isho nshetwatakalinga kulangila. Mwakaseluka panshi alimwi tulundu twakamubona akutenkaana pameenso anu.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.