Kulumbaisha 60:3 - Baibo Busansulushi Bwa Libuku Ili

³ Bantu banu mwabalengesha kwiinda muciindi ciyumu. Tutooya citalantantabo anga twakolwa waini.

Kulumbaisha 60:3 Marejeleo ya Msalaba

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Kulumbaisha 75:8

Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

Kulumbaisha 80:4

NoBaami baLesa Beshinkusu shoonse, citooba ciindi cilaamfu buyani mipailo ya bantu banu keemukalasha?

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Kulumbaisha 85:5

Sa munanookalalitebo kwalyoonse alyoonse? Sa bukali bwanu bunanooyabo tibili akumashalane?

Kulumbaisha 89:39

Mwakaka cipangano canu ncemwakapanga amusebenshi wanu. Mwabiika mushini wakwe wa bwaami mumatipa!

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Jelemiya 25:15

Mwaami Lesa, Lesa wa bene Isilaeli wakandwiita ayi, “Bwesa nkomeshi iyi iyo iswite waini wa bukali bwangu akunwisha bantu ba mishobo yoonse iyo njendakakutumaako.

Malilo 4:21

Bulya amusekelele akukondwa mwebo nobene Edomu, mwebo nomwikala mucishi ca Usi. Amwebo mulaakupekwa nkomeshi ya mapensho. Mulaakukolwa akufuulwa shakufwala.

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.

Ciyubululo 18:16

akwaamba ayi, “Mapensho, mapensho kundabala inene iyi! Wakalinga kufwala shakufwala shiteshimite, shifubelafubela ashisalalabo pyu. Ncakwiila wakalinga kulibotesha agolodi, mabwe amakwebo alimwi abulungu!