Kulumbaisha 6:3 - Baibo Busansulushi Bwa Libuku Ili

³ NoBaami baLesa buumi bwangu bwapenshekwa abuumbi. Ono citooba ciindi cilaamfu buyani kamutana kuncafwa?

Kulumbaisha 6:3 Marejeleo ya Msalaba

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Kulumbaisha 38:8

Ndalefuka alimwi ndalemenwa abuumbi. Ndatongela kubuumba buli mumoyo wangu.

Kulumbaisha 42:11

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 42:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 77:7

“Sa Mwaami Lesa watufutatililabo limwi? Sa teshi akatunyumfwilewo nkumbu alimwi?

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Kulumbaisha 90:13

Ino bukali bwanu butootola ciindi cilaamfu buyani? NoBaami baLesa, amube ankuumbu pabasebenshi banu!

Tushimpi 18:14

Moyo wa muntu ulamucafwa mukuciswa, sombi wa muntu ufwite taaku nceenga wacafwa.

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Mateyo 26:38

Mpomunyaawo wakabaambila ayi, “Moyo wangu wacatwa buumba bwakuyanda kuncaya. Amwikale pano munoolindilila kamulibambite pantu pomwi anebo.”

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Joni 12:27

“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.