Kulumbaisha 59:5 - Baibo Busansulushi Bwa Libuku Ili

⁵ NoBaami baLesa Beshinkusu shoonse, baLesa ba bene Isilaeli. Amunyamuke mupe mulandu bakunsengwe boonse. Mutalekeli nabi womwi pabaabo baashu bapinga kuncaya pataapu aceebo.

Kulumbaisha 59:5 Marejeleo ya Msalaba

Matalikilo 33:20

Wakayakaawo cipaililo akucitumba ayi Eli, liina lyakwe Lesa wa bene Isilaeli.

Kulumbaisha 54:3

Baswamashi bayoosha batoosa mukundwana, bantu batashinshikili batoofwima buumi bwangu, ncakwiila bantu abo batabiki maano kuli Lesa.

Kulumbaisha 55:15

Balwani bangu abafwe ciindi cabo kacitana kushikila. Abaye kumusena wa bafu kabalasha mukwiinga bubi bwayaka maanda pakati kabo.

Kulumbaisha 7:7

Amubunganye mishobo yoonse kunembo lyanu, lyalo mubaleele kuswa kwiculu uko nkomubete.

Kulumbaisha 80:4

NoBaami baLesa Beshinkusu shoonse, citooba ciindi cilaamfu buyani mipailo ya bantu banu keemukalasha?

Kulumbaisha 84:8

Amunyumfwe mupailo wangu noBaami baLesa Beshinkusu shoonse. Amukutike kusenga kwangu nobaLesa bakwe Jakobo.

Kulumbaisha 9:15

Mishobo yawita mucilindi nceyakalikabila, bacatwa kumyeendo mukoose nkobakateya beene.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 3:15

Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Jelemiya 18:23

Sombi mwebo noBaami baLesa mulishi mbobampingite kuncaya. Mutabalekeleli bubi bwabo, nabi kushiminganya shibiibi shabo pameenso anu. Abakakomwe kunembo lyanu alimwi mukabacitile shintu ishi kamukalalite.”

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’

Amosi 9:7

Mwaami Lesa utookwaamba ayi, “Kuli ndime, nobene Isilaeli muli anga mbene Kushi. Bweenka mbondakakusha bene Isilaeli kuIjipiti, mbweeke ubo mbondakakusha bene Filisiti kuKileti alimwi abene Silya kuswa kuKili.

Bene Loma 9:6

Ono nshintokwaamba ayi Lesa taakwe kucita kweelana akushomesha kwakwe ceebo teshi bene Isilaeli boonse babandwa ayi mbantu bakwe Lesa cancinencine.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.