Kulumbaisha 59:3 - Baibo Busansulushi Bwa Libuku Ili

³ Amubone batoolindilila kuncaya. Basankwa babiibi myoyo balibungabunga mukupinga ndime. Nakubi boobo taaku cibiibi nabi mulandu ngondakacita, noBaami baLesa.

Kulumbaisha 59:3 Marejeleo ya Msalaba

Kulumbaisha 140:2

Bantu abo mbeshikupangabo miyeeyo ibiibi mumyoyo yabo, akubusha nkondo nshiku shoonse.

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulumbaisha 38:12

Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.

Kulumbaisha 56:6

Balabungana akunjubilila. Balalangilisha nyendelo shangu. Ncakwiila balafwima buumi bwangu.

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Tushimpi 12:6

Maswi a bamucita shibi ngabucayi, sombi shaamba baluleme shilafuna bantu.

Tushimpi 24:15

Utanooyubilila ŋanda ya muntu ululeme anga ngumucita shibi. Ncakwiila tooelete kusaala ŋanda yakwe napaceyi.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Milimo ya Batumwi 23:21

Sombi mutakabanyumfwili mukwiinga kuli basankwa beendilila pamakumi one beshi bakanooyubite munshila kababelamina Paulo. Bakalumbila pameenso akwe Lesa ayi teshi bakalye nabi kunwa kabatana kumucaya. Bulya balilibambite kumucaya, batoolindilabo bukumbulo kuswa kuli ndimwe.”

1 Samwelo 19:1

Ono Saulo wakaambila Jonasani mwanaakwe musankwa alimwi abacinenenene bakwe boonse ayi balyeelete kucaya Defedi. Sombi Defedi kuli Jonasani taakalinga kulokelwa kalongo.

1 Samwelo 24:11

Ta, amubone kasani aka! Ndakatimbula kulikonko lya cakufwala canu ca peculu sombi nshikwe kumucaya. Ono munyumfwishe akwishiba kwaamba ayi nshiciteewo mulandu wakucita cilubite nabi kumwaashukila. Taaku ncindakamulubishisha, sombi mutooya cimfwima ayi muncaaye.

1 Samwelo 24:17

Lyalo Saulo wakaamba ayi, “Webo ulisalalite kwiinda ndime, wampa munyemfu sombi nebo ndakupa cifuwa.

1 Samwelo 26:18

Mpeeke wakatolelela akwaamba ayi, “Anu nceebonshi nkambo ncemutooya cimfwimina nemusebenshi wanu? Nciinshi ncindakacita alimwi ngumulandunshi ngooncite?