Kulumbaisha 57:6 - Baibo Busansulushi Bwa Libuku Ili

⁶ Balwani bangu bakanteya bukonde ayi bancaate, Buumba bweendilila nebo ndatentuka. Bakakaba cilindi munshila yangu ayi nkawiteemo, sombi bakawitaamo beene.

Kulumbaisha 57:6 Marejeleo ya Msalaba

Kulumbaisha 145:14

Mwaami Lesa ngoobusha boonse abo bawa, ngoocatilila boonse abo balefuka.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Tushimpi 28:10

Uyo woonse utanjilila kuya munshila ya bubi, ncakwiila ulaakucatwa mukoose kakwe mwiine. Sombi baluleme balaakupekwa shilambu sheelete.

Kulumbaisha 140:5

Balinteyete koose bantu balisumpula. Bafungulula ntambo sha toombe twabo akuteya toose twabo mweela nshila yangu.

Tushimpi 29:5

Uyo utondesha mubye lusuno lwakubeca ulaliteya koose mwiine.

Kulumbaisha 142:3

Na moyo wangu watyongola, ndimwe mwishi nceenjelete kucita. Munshila moonyinda balwani bangu banteya koose.

Kulumbaisha 143:4

Aboobo moyo wangu watyongola, ncakwiila moyo wangu woongumana.

Kulumbaisha 42:6

Moyo wangu ncakwiila wacatwa buumba. Paceebo ceeco ndanoomuyeeya kuswa kumusena wa Joodani akuKalundu ka Emoni alimwi akuswa kuKalundu ka Misa akwalo ndanoomuyeeya.

Shakubelenga 14:21

Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi,

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Kulumbaisha 8:2

Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Kulumbaisha 108:6

Amutulengeshe kukoma kwiinda munkusu shanu, amukumbule mipailo yesu. Ee, kwaamba ayi bantu abo mbomusuni, bafunwe.