Kulumbaisha 51:4 - Baibo Busansulushi Bwa Libuku Ili

⁴ Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Kulumbaisha 51:4 Marejeleo ya Msalaba

Matalikilo 20:6

Lyalo Lesa wakamwaambila muciloto ayi, “Ee ndishi kwaamba ayi ici wakacicita amiyeeyo iluleme. Aboobo ndakulama kwaamba ayi utabishi pameenso angu kwiinda mukumushika pamubili.

Matalikilo 38:7

Buumi bwakwe Ele bwakalinga bubiibi, cakwaamba ayi Mwaami Lesa wakacimwa mpeeke wamucaya.

Matalikilo 39:9

Muŋanda ino ndicite nkusu shiinji anga nsheesho shaacite, alimwi taaku ncaakankashaawo muŋanda ino kulekabo ndimwe. Ono nebo inga ndacita buyani cintu cibiibi ca mushobo uyu pameenso akwe Lesa?”

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulumbaisha 50:4

Uleeta liculu acishi ca panshi kuba bakamboni pakoombolosha bantu bakwe.

Kulumbaisha 50:6

Liculu lyomwi alyomwi lilatondesha patuba kwaamba ayi, Lesa uliluleme. Lilatondesha alimwi ayi mwiine Lesa ngowoombolosha bantu bakwe.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Bene Lefi 5:19

Uyu ngumulambu wakumana mulandu uyo ngwaakabaawo ceebo cakubishisha nebo neMwaami Lesa.”

Luka 15:21

Mwaana uyo wakaambila baishi ayi, ‘Ta, ndakabisha kuli Lesa akuli ndimwe. Nsheelete kwiitwa ayi mwanaanu.’

Luka 7:29

Bantu boonse abeshikusonkesha bakanyumfwa kushimikila kwakwe Joni. Ndibakabombekwa anguwe, bakasumina kwaamba ayi Lesa uliluleme.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Loma 3:4

Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Jemusi 2:11

Mukwiinga Lesa ngowakaamba ayi, “Utaciti bulale” alimwi ngowakaamba ayi, “Utacaayi.” Nkokwaamba ayi webo na wabula kucita bulale ono wacaya muntu, ngumushobo womwi waba shikusotoka Milawo.

Jemusi 2:9

Ono na mulasalulula ingayi mulabisha. Mulawo weenka uyu ulaakumushinina mbuli beshikusotoka Milawo yoonse.

Ciyubululo 16:5

Pesule, ndakanyumfwa munjelo weendelesha maanshi kaamba ayi, “Mwacita ciluleme pakoombolosha mwebo Nomusalalite, nomuliiwo alimwi nomushi mukabeewo!

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.