Kulumbaisha 5:6 - Baibo Busansulushi Bwa Libuku Ili

⁶ Mulanyonyoola bantu beshikubeca. Mulacimwa bantu batila bulowa alimwi abeshikwiinda bamwi kumaano.

Kulumbaisha 5:6 Marejeleo ya Msalaba

Matalikilo 34:14

Bakamwaambila ayi, “Tatukoonshi kusuminisha ayi nankashi yesu eebwe kumusankwa utapalwitwe. Ico inga caleta musebaanyo pakati kesu.

2 Samwelo 16:8

Utoocinyumfwa, Mwaami Lesa wakupa mulandu pabamuŋanda yakwe Saulo boonse mbowakacaya peculu lya kubwesa bwaami bwakwe. Mwaami Lesa waaba bwaami bwako mumaansa amwanaako Abusalomu. Ono webo bulya wanyonyooka ceebo ca bucayi bwako!”

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulumbaisha 4:2

Anu citooba ciindi cilaamfu buyani mwebo nobantu kamuntukana? Anu citooba ciindi cilaamfu buyani kamusuni shintu shitaaku mboshibete akukakatila balesa bakubeca?

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.