Kulumbaisha 5:11 - Baibo Busansulushi Bwa Libuku Ili

¹¹ Sombi abo boonse beshi bayube muli ndimwe, basangalale, alimwi lyoonse banokwiimba ceebo cakusangalala. Kamufuna baabo bamusuni. Ceebo ca ndimwe balasangalala cancinencine.

Kulumbaisha 5:11 Marejeleo ya Msalaba

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Kulumbaisha 68:3

Sombi balo baluleme abasangalale. Abasangalale mubulemu bwakwe Lesa. Ncakwiila abasekelele cakusangalala abuumbi!

Kulumbaisha 40:16

Sombi abo balambila ndimwe abasangalale akukondwa muli ndimwe. Boonse abo balila lupulusho lwanu kabaamba lyoonse ayi, “Mwaami Lesa ncakwiila ulicite nkusu shiindaawo.”

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 69:36

Bamulunyungu ba bantu bakwe mbweshi bakacipyaane, sombi abalo abo bamusuni balaakwikalaamo.

Kulumbaisha 65:13

Luundu loonse luliswitebo mbelele, amwalo mushinyika mwasulabo witi. Shoonse ishi shitokoolobesha akwiimba cakusangalala.

Kulumbaisha 35:27

Sombi abo batoolilila kubona kubula mulandu kwangu abeembe cakusangalala akukondwa, Abaambe lyoonse ayi, “Ulicite nkusu Mwaami Lesa uyo ulengesha musebenshi wakwe kwikala muluumuno.”

Kulumbaisha 58:10

Baluleme balaakusangalala na bakabone bamucita shibi kababooshelwa cishole. Balaakukondwa kukubula mubulowa bwa bamucita shibi amyeendo yabo.

Jobo 38:7

Sa wakalingaako nyenyeenshi sha kumuyamaca ndishakalinga kwiimba abaanjelo ba kwiculu ndibakalinga koolobesha cakusangalala?

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.