Kulumbaisha 47:9 - Baibo Busansulushi Bwa Libuku Ili

⁹ Baleli boonse ba mishobo imwi yoonse balabungana pantu pomwi abantu bakwe Lesa, Lesa wakwe Abulaamu, mukwiinga bamaami boonse ba pacishi ca panshi cino mbakwe Lesa. Ncakwiila lakwe ngooindaawo kulemekwa.

Kulumbaisha 47:9 Marejeleo ya Msalaba

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Kulumbaisha 72:11

Bamaami boonse balaakufukama kunembo lyakwe. Ncakwiila mishobo yoonse ilaakumusebensela!

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Kulumbaisha 97:9

NobaLesa ba kwiculu Beendaawo, mwebo ndimwe mulela cishi coonse ca panshi. Ndimwe musumpulwa kwiinda baLesa boonse.

Kulonga 3:15

Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Tushimpi 30:5

“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.