Kulumbaisha 47:3 - Baibo Busansulushi Bwa Libuku Ili

³ Amubone wakatukomenaako mishobo iinji ya bantu, ncakwiila wakalengesha mishobo iinji kuba mubweendeleshi bwesu.

Kulumbaisha 47:3 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Kulumbaisha 18:47

Ngoombosheshako cishole kubalwani bangu, alimwi ngoobika balwani bangu mumaansaangu.

Kulumbaisha 66:5

Nobantu, kamwisa mubone Lesa ncaakacita, mubone milimo ikankamika njaacita pakati ka bantu.

Kulumbaisha 81:14

naakwiinga ndakooma balwani banu cakufwambaana ee, naakwiinga ndakooma boonse bamupatite.

Kulumbaisha 95:3

Mukwiinga Mwaami Lesa ngoLesa wiindaawo, alimwi nguMwaami wiinda pabalesa boonse.

Kulumbaisha 99:2

Mwaami Lesa ulicite nkusu muSiyoni. Ncakwiila ulasumpulwa pamishobo yoonse.

Jelemiya 10:7

Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

Joshuwa 21:44

Mwaami Lesa wakabapa luumuno koonse koonse kweelana mbwaakashomesha cakulumbila kubamashali babo bakulukulu. Taaku mulwani wabo nabi womwi wakakonsha kubakoma. Mwaami Lesa wakaaba balwani boonse mumaansaabo ayi babakoome.