Kulumbaisha 47:1 - Baibo Busansulushi Bwa Libuku Ili

¹ Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Kulumbaisha 47:1 Marejeleo ya Msalaba

2 Samwelo 6:15

Munshila iyo lakwe abene Isilaeli boonse bakaleta Libokoshi lya Cipangano muJelusalemu kabesa coolobesha akulisha mapeenga.

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

2 Makani 13:15

Lyalo bene Juda bakacita ciyobeyobe ca nkondo akulwana mubutanjilili bwakwe Abija. Mpomunyaawo Lesa wakakoma mwaami Jeloboamu abashilumamba bene Isilaeli.

Kulumbaisha 106:47

NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.

Kulumbaisha 42:1

Bweenka nsefu mboilila kunwa maanshi atontola, mbweeke ubo moyo wangu mbootoolila ndimwe noBaami baLesa.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Kulumbaisha 47:5

Lesa watanta pacuuna cakwe ca bwaami, bantu kaboolobesha cakusangalala, mapeenga kaalila, ncakwiila Mwaami Lesa watanta.

Kulumbaisha 98:4

Amoolobeshe cakusangalala kuMwaami Lesa nobamucishi ca panshi! Amumulumbaishe akumwiimbila cakukondwa!

Kulumbaisha 98:8

Maaba a mumulonga aaumane mukulumbaisha Lesa, tulundu atwalo atwiimbe pantu pomwi cakusangalala

Isaya 55:12

“Aboobo mulaakuswa muBabiloni kamusangalete. Mulaakutanjililwa akuswaamo caluumuno. Tulundu tunene atuniini tulaakutalika kwiimba. Ashalo shisamu shilaakoolobesha cakusangalala.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

1 Samwelo 10:24

Mpomunyaawo Samwelo wakaamba ayi, “Sa mwamubona musankwa uyo Mwaami Lesa ngwaasala? Taaku aumwi uli mbuli nguwe pakati kesu.” Lyalo bantu boonse bakoolobesha ayi, “Abekale ciindi cilaamfu baami!”