Kulumbaisha 46:2 - Baibo Busansulushi Bwa Libuku Ili

² Aboobo teshi tukaloonde nabi cishi cikatenkaanishikwe, atwalo tulundu tukapile panshi peene mulweenge.

Kulumbaisha 46:2 Marejeleo ya Msalaba

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Kulumbaisha 27:3

Ono nabi likoto lya bashilumamba lyoonse lyanshinguluka, moyo wangu tooswiiwo kuboowa napaceyuubo. Ncakwiila nabi nkoondo yambukila nebo ndanoocinkitebo manungo muli Lesa.

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

Luka 21:33

Liculu alimwi acishi ca panshi shilaakumana, sombi maswi angu teshi akamaneewo, sobwe.

Kulumbaisha 82:5

“Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

2 Samwelo 22:3

Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Kulumbaisha 37:39

Mwaami Lesa ngoopulusha baluleme, muli nguwe mobayuba muciindi ca mapensho.

Kulumbaisha 59:17

Ndanoomulumbaisha mwebo nonkusu shangu, mukwiinga mwebo nobaLesa muli lilinga lyangu lya mabwe. Ee, muli baLesa abo bambonesha lusuno lutamaani.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

Kulumbaisha 91:2

ulaakwaamba kuMwaami Lesa ayi, “Ndimwe bapulushi bangu, muli ndimwe moonjuba. Ndimwe baLesa bangu, muli ndimwe moocinkite manungo.”

Kulumbaisha 142:6

Amunyumfwe kulila kwangu, ceebo ndipengete abuumbi. Amumfuune kuli baabo batoompensha, mumfuune ceebo banyinda nkusu.

Jelemiya 14:8

Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.