Kulumbaisha 45:4 - Baibo Busansulushi Bwa Libuku Ili

⁴ Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Kulumbaisha 45:4 Marejeleo ya Msalaba

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Ciyubululo 6:2

Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Ciyubululo 11:18

Bantu bakunsengwe bakakalala abuumbi, ono ciindi cakubonesha bukali bwanu aciindi cakoombolosha bafu cashikila. Ee, ciindi cakupa shilambu kubasebenshi banu, balaluki alimwi abantu banu boonse abo bamulemeka, bantubo alimwi abalemekwa boonse cashikila. Ciindi cashikila cakwaamba ayi munyonyoole baabo boonse banyonyoola cishi ca panshi!”

2 Bene Tesalonika 3:1

Cakweelaako nobamakwesu, kamutupaililaako kwaamba ayi Maswi aswa kuMwaami amwaike cakufwambaana kushika kumisena yoonse, akutambulwa cabulemu bweenka mbwaakatambulwa pakati kanu.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Bene Tesalonika 1:5

Ceebo twakamuletela Makani Abotu, cakutasebensesha maswibo, sombi ankusu sha Mushimu Usalashi alimwi cakutatonsha lushinisho lwa ngawo. Mulishi mbotwakalinga kucita nditwakalinga amwebo. Shoonse ishi ninshila shakumucafwilaamo.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Kulumbaisha 60:4

Nakubi boobo abo bamulemeka mwabeemikila mbembela, kwaamba ayi bacicile nkuko kuloonda nkondo ya mata.

Kulumbaisha 2:9

Ulaakweendelesha mishobo ankooli ya ceela, akwiipwayoola anga nshintu shakubumba.’ ”

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Isaya 11:5

Bululami bulaakuba ngolaamba wakwe. Kushomeka ngolaamba wakwe wakufwala mubukome.