Kulumbaisha 44:7 - Baibo Busansulushi Bwa Libuku Ili

⁷ Sombi ndimwe mutulengesha kukoma balwani besu. Ncakwiila ndimwe mulensha nsoni abo batupatite.

Kulumbaisha 44:7 Marejeleo ya Msalaba

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

Kulumbaisha 132:18

Ndaakulensha nsoni balwani bakwe, sombi buleelo bwakwe bulaakuyuma akuswitilila.”

Kulumbaisha 136:24

Wakatufuna kuswa mumaansa a balwani besu, ee, mukwiinga lusuno lwakwe ndwamuyayaya.

Kulumbaisha 140:7

NoBaami baLesa noBeshinkusu shoonse, Bapulushi bangu, ndimwe mumfuna pabushiku bwa nkondo.

Kulumbaisha 144:10

Ndaakwiimbila ndimwe nomupa nkusu shakukoma kubamaami, ee, mwebo nomupulusha neDefedi musebenshi wanu kuswa kumupeeni walufu.

Kulumbaisha 40:14

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

Kulumbaisha 53:5

Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 11:6

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga paciindi ceenka cino ciilo, boonse balaakunoofwite kale kubene Isilaeli. Mulyeelete kusutula mishisa ya maaki abo alimwi akutenta shikoci shabo.”

Boomboloshi 2:18

Anu ciindi coonse Mwaami Lesa ncaakalinga kubapa moomboloshi, Mwaami Lesa wakalinga kumucafwa akufuna bene Isilaeli kubalwani babo ciindi coonse ca buumi bwa moomboloshi uyo. Mwaami Lesa wakalinga kubanyumfwila nkumbu ceebo bakalinga kutongela mumaansa a baabo bakalinga kubapensha akubalyatilila.

1 Samwelo 17:47

Boonse babungene waano batooshiba ayi Mwaami Lesa taapulushi bantu kwiinda mukusebensesha mipeeni amasumo. Nkoondo iyi nja Mwaami Lesa, aboobo utoomwaaba noonse mumaanseesu.”