Kulumbaisha 44:4 - Baibo Busansulushi Bwa Libuku Ili

⁴ Mwebo muli Baami bangu alimwi ndimwe baLesa bangu, baLesa abo balengesha bamulunyungu lwakwe Jakobo kukoma.

Kulumbaisha 44:4 Marejeleo ya Msalaba

Kulumbaisha 111:6

Wakatondesha bantu bakwe nkusu sha milimo yakwe kwiinda mukubapa shishi sha mishobo imwi.

Kulumbaisha 149:2

Bene Isilaeli abasangalale muMulengi wabo. Bene Siyoni abakondwe muMwaami wabo.

Kulumbaisha 42:8

Sombi Mwaami Lesa ulatolelela kutondesha lusuno lwakwe lutamaani bushiku abushiku. Nceceeco anebo lyoonse ncemwiimbila nyimbo, kupaila Lesa uyo umpa buumi buno mbooncite.

Kulumbaisha 74:12

NobaLesa, muli baami besu kuswa kalekale, ndimwe mupulusha bantu pacishi ca panshi coonse.

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Maako 1:31

Mpomunyaawo wakaya muŋanda mwakalinga balwashi, wabacata palyaansa akubabusha. Lyalo cimpwita cakamana, bakatalika kutabataba akubapa shakulya.

Maako 1:41

Ndishakamucata nkumbu Jesu, wakafungulula lyaansa lyakwe akumucata kaamba ayi, “Ee ndisuni, ba kabotu!”

Maako 9:25

Lyalo Jesu ndyaakabona ayi batooya cifulilaako bantu, wakakalalila shikaswa uyo ayi, “Webo oshikaswa, nookasha kunyumfwa akwaamba, ntookulwiita ayi uswe mumusankwa uyu alimwi utakaboolimo lyobilo.”

Dutolonomi 7:19

Amwiibaluke myaalu iyoosha iyo njemwakabona ameenso anu nobeene. Amwiibaluke ashaankamiko, shitondesho shankusu alimwi ankusu shinene isho Mwaami Lesa, Lesa wanu nshaakasebensesha ayi amwaangulule. Mwaami Lesa ulaakunyonyoola mishobo iyo njemutooloonda bulya bweenka mbwaakacita kubene Ijipiti.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Joshuwa 24:12

Ndakabatumina maamfu kunembo lyanu kwaamba ayi atandaanye bamaami bobilo bene Amoli. Teshi mipeeni yanu nabi buta shakalengesha ayi bakomwe, sobwe.