Kulumbaisha 44:2 - Baibo Busansulushi Bwa Libuku Ili

² Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 44:2 Marejeleo ya Msalaba

2 Samwelo 23:12

Sombi Shama lakwe wakeemikana pakati ka muunda akuufuna. Wakacaya bene Filisiti baanji ceebo Mwaami Lesa wakamulengesha kukoma cikankamika.

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

Kulumbaisha 105:44

Wakabapa shishi sha baswamashi, bakabwesa buboni bwakaswa munkasaalo ya bamwi.

Kulumbaisha 78:55

Wakatandaanya mishobo imwi kunembo lyabo. Lyalo wakapa bene Isilaeli cishi ayi ncabo, ee, mucishi cabo wakakalikaamo bene Isilaeli.

Kulonga 10:2

Alimwi ndalengesha kuba beshicimpamya kwaamba ayi mukalwiite kabotu bana banu alimwi abamashikulu banu mbuli bene Ijipiti mbobakaboneka buluya kwiinda mushaankamiko shendakacita. Mpeeke mwebo noonse mulaakwishiba ayi ndime Mwaami Lesa.”

Kulonga 15:17

Mulaakubaleta akubekalika pakalundu kanu, musena, noBaami baLesa, uyo ngomwakasala ayi ube ŋanda yanu. Ŋanda yakumulambililaamo, noBaami baLesa, njemwakayaka nobeene.

Kulonga 15:19

Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.

Kulonga 23:28

Lyalo ndaakulengesha balwani banu kupilingana kuboowa. Ndaakutanda bene Ifi, bene Kenani alimwi abene Iti kunembo lyanu.

Kulonga 34:11

Munookonkela milawo yoonse njeshi mwaambile sunu. Ndaakutanda bene Amoli, bene Kenani, bene Iti, bene Pelisi, bene Ifi alimwi abene Jebusi kunembo lyanu.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Shakubelenga 13:32

Paceebo ceeci bakalinga kwaamba makani akubeca kubene Isilaeli apacishi ico ncebakaya mukubona. Bakaamba ayi, “Mucishi ico tamuswi ashakulya shikwana bantu abo bekalaamo. Muntu uli woonse ngotwakabona wakalinga mulaamfu abuumbi,

Dutolonomi 32:7

“Amwiibaluke nshiku shakalekale, muyeeye mashalane akulukulu. Mukeepushe bamaishiwanu bakamulwiite, mukeepushe bamanene bakamusansulwite.

Dutolonomi 4:38

Ndimwakalinga kuya ceenda Mwaami Lesa wakalinga kutanda shishi shinene alimwi shiindaawo nkusu pali ndimwe kuswa kunembo lyanu kwaamba ayi amunjiishe akumupa cishi cabo ico cicili caanu abobulya.

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Joshuwa 10:11

Ono bene Amoli abo ndibakalinga kuya ciloonda bene Isilaeli pakukunkuluka Kalundu ka Beti Oloni kuya kuAseka, Mwaami Lesa wakaloshesha mfula ya mabwe anene pali mbabo. Anu baanji bakafwa kumabwe aya kwiinda mbobakafwa kumipeeni ya bene Isilaeli.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 11:23

Anu Joshuwa wakabwesa cishi coonse kweelana aMwaami Lesa mbwaakaambila Mose, akucaabanya kubene Isilaeli boonse kwiinda mumikowa yabo ayi ncinebo. Kuswawaawo inkondo yakaluba mumeenso a bantu boonse mucishi ico.

Joshuwa 21:43

Munshila iyo Mwaami Lesa wakapa bene Isilaeli cishi coonse ico ncaakalinga washomesha cakulumbila kubamashali babo bakulukulu. Mpeeke bakatalika kwikalaamo.

Joshuwa 24:12

Ndakabatumina maamfu kunembo lyanu kwaamba ayi atandaanye bamaami bobilo bene Amoli. Teshi mipeeni yanu nabi buta shakalengesha ayi bakomwe, sobwe.

Joshuwa 3:10

Ono ndyeshi mwishibe ayi Lesa muumi uli amwebo, alimwi ayi ncakwiila utootanda bene Kenani, bene Iti, bene Ifi, bene Pelisi, bene Gegashi, bene Amoli alimwi abene Jebusi kunembo lyanu.

Boomboloshi 6:13

Mpeeke Gidyoni wakamukumbula ayi, “Nkambo, na Mwaami Lesa uli aswebo, ino ceebonshi mapensho aya oonse atootucitikila? Bamashali besu bakulukulu bakatwaambila ayi Mwaami Lesa wakacita shaankamiko ndyaakabakusha muIjipiti. Ino bulya shili kuli? Ncakwiila Mwaami Lesa watufutatila akutwaaba mumaansa a bene Midyani.”