13 Mwakatulengesha kuba pakusekela kubashikamukobonyineesu, ncakwiila twaba bamushibulukwa alimwi bamuwelwa kubaabo mbotwikalaabo.
Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.
Mwakasuminisha batushingulukite kulwanina cishi cesu. Bulya balwani besu balatucelebula.
Boonse bantu batokwiinda bamusaala shintu shakwe. Beshikamukobonyina abalo kabamuseka.
NoBaami baLesa, balwani banu batootukana mwaami ngomwakasala. Balamutukana kuli koonse nkweenga waya!
Mwaami Lesa Shinkusu shoonse waamba ayi, “Taaku mweelo wa maali wakalipilwa ndyemwakatolwa busha. Paceebo ceeco apakwaangululwa taaku mweelo wa maali weshi ukalipilwe.
Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.
Sa mwebo nobene Moabu teshi ndimwe mwakalinga kuseka bene Isilaeli? Sa bakacatwa pakati ka bapambi ico cimulengesha kunoopukumunabo mitwi mukubashibuluka kulilabo na mwaamba pali mbabo?
Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.