Kulumbaisha 42:9 - Baibo Busansulushi Bwa Libuku Ili

⁹ Ndeepusha Lesa, mwaandami wangu ayi, “Ceebonshi mwandubaako? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?”

Kulumbaisha 42:9 Marejeleo ya Msalaba

Kulumbaisha 13:1

NoBaami baLesa, anu ndilili ndyeshi mukanjibaluke? Anu mulaakucileka lili kunjuba?

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Kulumbaisha 28:1

NoBaami baLesa, mwaandami wangu, ndimwe ndilila lucafwo, mutaciti anga tamunyumfwite liswi lyangu, ceebo na muumunebo, ntoofwa anga mbamwi boonse.

Kulumbaisha 38:6

Ndamana nkusu, citokwaala akwiinamuka, incito nkunoolilabo lilaya mukwipila.

Kulumbaisha 43:2

Mwebo ndimwe baLesa umo moonjuba, Ceebonshi mwansuula? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?

Kulumbaisha 55:3

Shitokwaamba balwani bangu pali ndime shanenga boowa. Ndatentuka kukulyatililwa kubamucita shibi. Ncakwiila balandetela mapensho anene. Batookalala pali ndime cakutaboolawo pesule.

Kulumbaisha 62:2

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Kulumbaisha 77:9

Sa Lesa waluba kutufwita nkumbu? Sa wacileka kutunyumfwila nkumbu ceebo ca bukali?”

Kulumbaisha 78:35

Bakeebaluka ayi Lesa nguMwaandami wabo, ayi Lesa wa kwiculu Wiindaawo nguMupulushi wabo.

Kulumbaisha 88:9

NoBaami baLesa, meenso angu ashimba ceebo ca buumba. Bushiku abushiku ndalilila kuli ndimwe. Ndatambika maansaangu kuli ndimwe pakupaila.

Kulumbaisha 92:3

Ncakwiila ncibotu kumulumbaisha kwiinda mukulisha kalumbu ka mawaya likumi, akumulumbaisha mumukumo wa kalumbu.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 40:27

Ono ceebonshi nobamulunyungu lwakwe Jakobo mulaamba ayi, “Mwaami Lesa taabwene mapensho esu?” Ceebonshi mulatongooka ayi, “Lesa taabikiiko amaano kuli ndiswe nabi katulyatililwa?”

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!