Kulumbaisha 42:4 - Baibo Busansulushi Bwa Libuku Ili

⁴ Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 42:4 Marejeleo ya Msalaba

2 Baami 18:30

Atamuyungooli ayi mucinke manungo muMwaami Lesa. Mutanooyeeya ayi Mwaami Lesa ulaakumufuna nabi kukasha likoto lya bashilumamba bene Asilya kubwesa ndabala yanu.’

2 Baami 18:32

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila akupangisha shinkwa. Ico ncishi ca maolifi, mafuta a olifi alimwi abuuci. Na mucite shoonse nsheshi akamulwiite, teshi mukafwe. Esekiya atamubeeci ayi Mwaami Lesa ulaakumupulusha.

2 Makani 7:10

Ngayi pabushiku bwamakumi obilo ashotatwe, mumweenshi wasanu ayobilo wakapalanganya bantu ayi baye mwabo mwabo. Bakaya kabakondetwe akusangalala mumyoyo ceebo ca shintu Mwaami Lesa nshaakacitila Defedi, Solomoni alimwi abantu bakwe bene Isilaeli.

Jobo 29:2

“Ndayeeya myeenshi ilya yakeenda kale. Ndayeeya nshiku shilya Lesa nshaakalinga kundama.

Kulumbaisha 100:4

Amwinjile mumilyango ya kuŊanda yakwe cakumulumba. Amwinjile mulubansa lwa Ŋanda yakwe cakumulumbaisha, Amumuluumbe akulumbaisha liina lyakwe.

Kulumbaisha 102:10

mukwiinga wa bukali bwanu bunene. Mwakambwesa akungwaala kulaale.

Kulumbaisha 115:2

Ceebonshi mishobo imwi nceiipushila ayi, “Uli kuli Lesa wabo?”

Kulumbaisha 122:1

Ndakasangalala ndibakaŋambila ayi, “Katiya kuŊanda ya Mwaami Lesa.”

Kulumbaisha 122:8

Ceebo ca bamakwesu abeensuma ndaamba ayi, “Luumuno lwikale mukati kako.”

Kulumbaisha 55:14

Webo twakalinga kunyumfwana abuumbi. MuŊanda yakwe Lesa twakalinga kuya soonse.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Kulumbaisha 79:10

Ceebonshi mishobo imwi ilyeelete kwaamba ayi, “Lesa wabo uli kuli?” Katulangilisha, amulengeshe mishobo iyi kwishiba ayi mulaboosha cishole pakutila bulowa bwa basebenshi banu.

Kulumbaisha 80:6

Mwakasuminisha batushingulukite kulwanina cishi cesu. Bulya balwani besu balatucelebula.

Isaya 30:29

Sombi mwebo nobantu bakwe Lesa, mulaakwiimba bweenka mbuli pabushiku bwakusekelela kusalalite. Myoyo yanu ilaakusangalala bweenka mboiba bantu ndibaya amitoolilo mukutanta pakalundu ka Mwaami Lesa. Ee, ndibaya kuMwaandami wa bene Isilaeli.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Esekelo 46:10

Muleli ulyeelete kwinjilila pantu pomwi abantu alimwi akuswitabo pantu pomwi ambabo.

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Lute 1:21

Ndindakalonga kuswa kokuno ndakalinga kucite shintu shiinji, sombi Mwaami Lesa wamboosha maansabo. Ino inga mwanjita buyani ayi Naomi kakuli Mwaami Lesa Shinkusu shoonse wamfutatila akuntumina mapensho?”