Kulumbaisha 42:2 - Baibo Busansulushi Bwa Libuku Ili

² Moyo wangu utoolila Lesa, ncakwiila Lesa uyo muumi. Anu nebo inga ndaya lili mukulambila pameenso akwe Lesa?

Kulumbaisha 42:2 Marejeleo ya Msalaba

Jobo 23:3

Nendalinga kwishi nkweenga ndamucana akwishiba bwakuya kooko nkwaabete,

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 63:3

Ceebo cakwaamba ayi lusuno lwanu lutamaani luleenda buumi kubota, nebo ndanoomulumbaisha lyoonse amulomo wangu.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Kulumbaisha 84:2

Moyo wangu ulisuni kushikaamo umo! Ntooyandishisha kwinjila muŊanda ya Mwaami Lesa. Ntoomwiimbila cakusangalala abuumi bwangu boonse, kwiimbila ndimwe nobaLesa boomi.

Kulumbaisha 84:4

Balicite coolwe abo bekala muŊanda yanu, akumwiimbila nyimbo shakulumbaisha.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulonga 23:17

Myaaka yoonse, paciindi cakusekelela mankanda otatwe oonse, basankwa boonse balyeelete kwisa mukunambila neMwaami Lesa, Lesa wanu.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Danyelo 6:26

“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Joshuwa 3:10

Ono ndyeshi mwishibe ayi Lesa muumi uli amwebo, alimwi ayi ncakwiila utootanda bene Kenani, bene Iti, bene Ifi, bene Pelisi, bene Gegashi, bene Amoli alimwi abene Jebusi kunembo lyanu.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.