Kulumbaisha 40:5 - Baibo Busansulushi Bwa Libuku Ili

⁵ Shintu shikankamika nshemwakatucitila nshiinji, noBaami baLesa, baLesa besu. Taaku ukonsha kushimika shintu nshemwakatubambila. Nshikoonshi kushaamba shoonse mukwiinga shafulisha.

Kulumbaisha 40:5 Marejeleo ya Msalaba

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulumbaisha 71:15

Ndanooshimika shabululami bwanu alimwi alupulusho lwanu cakupisha lisuba, nabi nshishi ampolweela.

Kulumbaisha 92:5

Micito yanu njinene abuumbi, noBaami baLesa! Miyeeyo yanu noBaami baLesa, njiyumu kwishiba.

Kulumbaisha 136:4

Mwaami Lesa eenkabo ngookonsha kucita shaankamiko, ee, mukwiinga lusuno lwakwe ndwamuyayaya.

Kulumbaisha 139:6

Lushibo lwanu pali ndime lwanyinda ciimo. Ncakwiila nshikoonshi kunyumfwisha lushibo lwa mushobo uyo.

Jobo 9:10

Ulacita shitondesho sha nkusu sha kwiculu shiyumu kwishiba ashaankamiko shitakonsheki kubelengwa.

Jobo 5:9

Lesa ulacita shaankamiko nshetutakoonshi kwishiba, ee, shitondesho sha nkusu sha kwiculu shiinji shitabelengwa.

Jobo 26:14

Sombi iyi njimilimo yakwe ya peculubo. Muli njiyo, swebo tulanyumfwabo kutepeta kwakwe. Anu ngani weenga weshiba mankalunkalu atondesha nkusu shakwe?”

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Kulumbaisha 73:28

Sombi nebo ndikondetwe kuba pafwaafwi aLesa. Mwaami Lesa Shinkusu shoonse waba nceciyubilo cangu. Ncakwiila nebo ndaakushimikila shamicito yakwe yoonse.