Kulumbaisha 39:8 - Baibo Busansulushi Bwa Libuku Ili

⁸ Amumfuune kuswa kushibiibi shangu shoonse, mutandekeleli kwaamba ayi nooshibulukwa kubaluya!

Kulumbaisha 39:8 Marejeleo ya Msalaba

Kulumbaisha 119:39

Amunkushe musebaanyo uyo ngoonoonda ceebo milawo yanu njibotu.

Kulumbaisha 130:6

Moyo wangu utoolindila Mwaami Lesa kwiinda abeshikulindilila mbobalindila kuca kwa bushiku. Ee, kwiinda abeshikulindilila mbobalindila kuca kwa bushiku.

Kulumbaisha 130:8

Lakwe ngweshi akalubule bene Isilaeli kuswa kushibiibi shabo shoonse.

Kulumbaisha 25:11

Ono ceebo ca ndimwe noBaami baLesa amulekelele bubi bwangu nabi mbuunji.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

Kulumbaisha 35:21

Balambekesha cakoolobesha ayi, “Ee, ncaakacita twakacibona ameenso esu!”

Kulumbaisha 44:13

Mwakatulengesha kuba pakusekela kubashikamukobonyineesu, ncakwiila twaba bamushibulukwa alimwi bamuwelwa kubaabo mbotwikalaabo.

Kulumbaisha 51:14

NobaLesa mutandeeki ayi mfwe, sombi amumpulushe. Lyalo ndaakushimikila pabululami bwanu cakukondwa.

Kulumbaisha 57:3

Ulakumbula kusenga kwangu kuswa kwiculu akumpulusha. Abo bantandaanya ulabakalalila. Munshila iyo ulantondesha lusuno lwakwe lutamaani, ulantondesha akushomeka kwakwe.

Kulumbaisha 65:3

Shibiibi shesu ndishitukoma mwebo mulashilekelela.

Kulumbaisha 79:4

Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.