Kulumbaisha 39:13 - Baibo Busansulushi Bwa Libuku Ili

¹³ Amundekeeko ngumwewo muuwo kaantana kufwa, ee, kaantana kushimingana akuloba.

Kulumbaisha 39:13 Marejeleo ya Msalaba

Matalikilo 42:36

Ishiwabo wakabaambila ayi, “Sa mulisuni kwaamba ayi bana bangu boonse bamane kuluba. Josefu pakoomunabo, Simyoni alakwe, ono mutooyanda kutola aBenjameni. Nebo ndime mpengelaamo!”

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

Matalikilo 5:24

Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

Jobo 7:19

Ino mutoocileka lili kunangilisha? Ndabuula aciindi cakumina mate.

Kulumbaisha 119:19

Ndi mweensu pacishi ca panshi cino, aboobo mutanshishi milawo yanu.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Bene Lefi 25:23

“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.