Kulumbaisha 39:1 - Baibo Busansulushi Bwa Libuku Ili

¹ Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”

Kulumbaisha 39:1 Marejeleo ya Msalaba

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

2 Baami 10:31

Nakubi boobo Jewu taakwe kukonkela camoyo woonse milawo ya Mwaami Lesa, Lesa wa bene Isilaeli. Lakwe wakakonkela bwakacita Jeloboamu uyo wakalengesha bene Isilaeli kubisha.

1 Makani 16:41

Bamwi bakalinga ambabo nguEmani aJedutuni kubikaawo abamwi abo bakasalwa kwaamba ayi bakanokwiimba akulemeka Mwaami Lesa ceebo ca lusuno lwakwe lwamuyayaya.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Kulumbaisha 141:3

NoBaami baLesa, amubike shikulindilila pamulyango wa mulomo wangu. Ncakwiila mutansuminishi kwaamba maswi abiibi.

Kulumbaisha 34:13

ulyeelete kucileka kwaamba shibiibi alimwi mulomo wakwe teshi ukaambe shabubeshi.

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Kulumbaisha 77:1

Ndakalilila kuli Lesa ayi ancaafwe. Ndakalilila Lesa ayi amfuune.

Tushimpi 18:21

Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.

Tushimpi 21:23

Uyo ulama mulomo amulaka wakwe ulalitabilila kumapensho.

Amosi 5:13

Paceebo ceeco muntu ucite maano uloomunabo muciindi ca mushobo uyo mukwiinga nciindi nca bubi.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.