Kulumbaisha 38:1 - Baibo Busansulushi Bwa Libuku Ili

¹ NoBaami baLesa, mutankalalili mubukali bwanu nabi kumpa mulandu kamumfundilite.

Kulumbaisha 38:1 Marejeleo ya Msalaba

Kulumbaisha 6:1

NoBaami baLesa mutankalalili cabukali, alimwi mutangumi cakubisha moyo.

Kulumbaisha 70:1

NoBaami baLesa amumfuune! Amuncaafwe cakufwambaana!

Kulumbaisha 88:7

Bukali bwanu bwawita pali ndime, bwamfwekelesha anga ngamaaba a mulweenge.

Isaya 27:8

Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Jelemiya 10:24

NoBaami baLesa, amundulike, mubululami bwanu, kuteshi mubukali bwanu ceebo inga mwanyonyoola cakumaninina.

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Abakuku 3:2

NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.

Dutolonomi 9:19

Ndakalinga kuloonda bukali bwa Mwaami Lesa buyoosha mukwiinga wakalinga wakalala cakuyanda kumunyonyoola. Nacibi boobo Mwaami Lesa wakanyumfwa kusenga kwangu alimwi.