Kulumbaisha 36:2 - Baibo Busansulushi Bwa Libuku Ili

² Mukwiinga balalisumpula akulibeca mumyoyo yabo ayi Lesa taakoonshi kubona shibiibi shabo akubapa mulandu.

Kulumbaisha 36:2 Marejeleo ya Msalaba

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Kulumbaisha 49:18

Nakubi kwaamba ayi muntu wabona ayi ncakwiila walya pacishi ca panshi, alimwi na walumbaishikwa kubantu ceebo cakusumpuka mubuumi bwakwe

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.

Bene Loma 3:9

Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi.

Luka 10:29

Sombi mufundishi uyo wakalinga kusuni kulitandya nsoni, lyalo wakeepusha Jesu ayi, “Ino mubyanji ngani?”

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.