Kulumbaisha 34:4 - Baibo Busansulushi Bwa Libuku Ili

⁴ Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.

Kulumbaisha 34:4 Marejeleo ya Msalaba

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulumbaisha 22:24

Mwaami Lesa taasuuli bakandu, nabi kusuula mapensho abo. Tabafutatiliiwo napaceyi, sombi ulabanyumfwila ndibasenga lucafwo.”

Kulumbaisha 31:22

Ndakaloonda akwaamba ayi, “Ono wantandilabo limwi kuya kulaale anguwe.” Sombi wakanyumfwa kulila kwangu, ndindakasenga lucafwo kuli nguwe.

Kulumbaisha 35:27

Sombi abo batoolilila kubona kubula mulandu kwangu abeembe cakusangalala akukondwa, Abaambe lyoonse ayi, “Ulicite nkusu Mwaami Lesa uyo ulengesha musebenshi wakwe kwikala muluumuno.”

Kulumbaisha 40:17

Nebo pano taaku amboombete, sombi mulambikako maano. Ncakwiila mwebo muli bapulushi bangu abaLesa bangu, amuncaafwe cakufwambaana.

Kulumbaisha 46:2

Aboobo teshi tukaloonde nabi cishi cikatenkaanishikwe, atwalo tulundu tukapile panshi peene mulweenge.

Kulumbaisha 56:3

Na ndanyumfwa boowa, ndanoocinka manungo muli ndimwe.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Jona 2:2

“NoBaami baLesa, mumapensho angu, ndakapaila kuli ndimwe alimwi mwakanyumfwa. Kuswa mwiine mumusena wa bafu ndakasenga lucafwo, alimwi mwakanyumfwa kusenga kwangu.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Luka 11:9

“Paceebo ceeco ndamwaambila ayi, amusenge mulaakupekwa, amulangoole mulaakucana alimwi mukonkoonshe mulaakucalwitwa.

2 Timoti 1:7

Ceebo Mushimu Lesa ngwaakatupa tootulengeshi kuba aboowa, sombi ulatupa nkusu, lusuno akulitibuka.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

1 Samwelo 27:1

Ono Defedi wakalyaamboosha mumoyo wakwe ayi, “Bumwi bushiku Saulo ulaakuncaya, taaku ceenda kubota kwiinda kulobokela kucishi ca bene Filisiti. Lyalo Saulo cilaakumulensha butolo kunyandoola kuli koonse mucishi ca Isilaeli. Munshila iyi ndaakufuna buumi bwangu.”