Kulumbaisha 34:2 - Baibo Busansulushi Bwa Libuku Ili

² Nebo ndisangalete ceebo ca Mwaami Lesa. Bapengete abanyumfwe bakondwe.

Kulumbaisha 34:2 Marejeleo ya Msalaba

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Kulumbaisha 105:3

Amusangalale akulambila liina lyakwe lisalalite. Ncakwiila myoyo ya bantu boonse bamulambila aisangalale.

Kulumbaisha 119:74

Abo bamulemeka kabasangalala na bambona ceebo nebo ndicinkite manungo mumaswi anu.

Kulumbaisha 142:7

Amunkushe muntolongo ya mapensho kwaamba ayi numbaishe liina lyanu. Balulami balaakunshinguluka, ceebo mwancitila shibotu.

Kulumbaisha 44:8

Swebo tulalisumpwita muli Lesa nshiiku shoonse. Tulaakunoolumbaisha liina lyanu lyoonse alyoonse.

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

1 Bene Kolinto 1:31

Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”

2 Bene Kolinto 10:17

Bweenka bwaamba Malembo akwe Lesa ayi, “Sombi uyo usuni kulilumbaisha, aalilumbaishe paceeco cakacita Mwaami Lesa.”