Kulumbaisha 34:1 - Baibo Busansulushi Bwa Libuku Ili

¹ Nebo ndanoolumbaisha Mwaami Lesa lyoonse. Mulomo wangu teshi ukacilekeewo kumulumbaisha.

Kulumbaisha 34:1 Marejeleo ya Msalaba

Matalikilo 20:2

uko wakaamba ayi Saala mukaakwe, ngunankashi yakwe. Aboobo Abimeleki mwaami wa Gela wakatuma bantu ayi balete Saala kuli nguwe.

Matalikilo 26:1

Kwakaba aimwi nsala mucishi ico kuleka imwi yakataanguna muciindi cakwe Abulaamu. Isaki wakaya kuli Abimeleki, mwaami wa bene Filisiti, kuGela.

Kulumbaisha 71:6

Kuswa kukushalwa kwangu ndishomete muli ndimwe. Mwakandama kwaamba ayi nshalwe kabotu. Aboobo ndaakunoomulumbaisha lyoonsebo.

Kulumbaisha 71:8

Mumulomo wangu muliswitebo shakumulumbaisha. Ndapisha lisuba kwaamba shabulemu bwanu.

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Milimo ya Batumwi 16:25

Ingayi pakati ka mashiku Paulo aSailasi bakalinga kupaila akwiimba nyimbo shakulemeka Lesa. Abalo bakailinyinaabo bakalinga kukutika mbuli mbobakalinga kwiimba.

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

1 Bene Tesalonika 5:18

Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

1 Samwelo 21:11

Sombi bacinenenene bakwe Akishi bakaamba ayi, “Sa te ngoDefedi mwaami wa cishi cine mishaabo? Sa te ngowooyu balutundu ngobakalinga kwiimbila ayi, ‘Saulo wakacaya shuulu ashuulu, Defedi wakacaya makumi amakumi a shuulu?’ ”