Kulumbaisha 33:3 - Baibo Busansulushi Bwa Libuku Ili

³ Amumwiimbile lwiimbo lupya, kulisha cabuuya pakalumbu ako, alimwi akoolobesha cakusangalala.

Kulumbaisha 33:3 Marejeleo ya Msalaba

1 Makani 13:8

Defedi abene Isilaeli bamwi boonse bakalinga kushana cankusu shabo shoonse mukulemeka Lesa. Bakalinga kwiimba akulisha tulumbu tuniini atunene, ngoma, tusenke twakulisha amapeenga.

1 Makani 15:22

Kenaniya mutanjilili wa bene Lefi ngowakasalwa kutanjilila abwiimbi ceebo wakalinga kucibwene abuumbi kwiimba.

1 Makani 25:7

Bantu abo pantu pomwi abaimbinyinaabo bakalinga 288. Boonse bakalinga beshikulisha bakeeishikwa kabotu kulisha nyimbo sha Mwaami Lesa.

2 Makani 34:12

Basankwa abo bakalinga kucita mulimo uyo bakalinga kushomekete abuumbi. Bakalinga kweendeleshekwa abene Lefi bone, nkokwaamba ayi Jaati aObadiya bamucipani cakwe Melali alimwi aSekaliya aMeshulamu bamucipani cakwe Koati. Bene Lefi boonse abo bakalinga beshikulisha bacibwene

Kulumbaisha 144:9

NobaLesa ndaakumwiimbila lwiimbo lupya, ndaakumulishisha kalumbu ka mawaya likumi.

Kulumbaisha 149:1

Amulumbaishe Mwaami Lesa! Amwiimbile Mwaami Lesa lwiimbo lupya. Amumulumbaishe mulibungano lya bantu bakwe basalalite.

Kulumbaisha 40:3

Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.

Kulumbaisha 40:4

Balicite coolwe abo bacinkite manungo muMwaami Lesa. Ee, abo batasandukili kushibumbwabumbwa nabi kusenkana abaabo balambila tulesa twakubeca.

Kulumbaisha 96:1

Amwiimbile Mwaami Lesa lwiimbo lupya. Nocishi coonse, amwiimbile Mwaami Lesa!

Kulumbaisha 98:1

Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Bene Efeso 5:19

Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.