Kulumbaisha 33:2 - Baibo Busansulushi Bwa Libuku Ili

² Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!

Kulumbaisha 33:2 Marejeleo ya Msalaba

2 Samwelo 6:5

Defedi abene Isilaeli boonse bakalinga kusekelela cankusu shabo shoonse mukupa bulemu Mwaami Lesa. Bakalinga kwiimba, kulisha tulumbu tuniini atunene, misebe ipusenepusene alimwi atusenke twakulisha.

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

1 Makani 25:3

Bana bakwe Jedutuni bakalinga bosanwe awomwi, nkokwaamba ayi Gedaliya, Seli, Jeshaya, Shimeyi, Ashabiya alimwi aMatitiya. Aba bakalinga kutanjililwa aJedutuni ishiwabo uyo wakalinga kwiimba shabulaluki akusebensesha kalumbu mukulumba akulumbaisha Mwaami Lesa.

1 Makani 25:6

Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.

Kulumbaisha 144:9

NobaLesa ndaakumwiimbila lwiimbo lupya, ndaakumulishisha kalumbu ka mawaya likumi.

Kulumbaisha 149:3

Abalumbaishe liina lyakwe uku kabashana, amulishe misebe atulumbu.

Kulumbaisha 71:22

Ndaakumulumbaisha akalumbu ceebo cakushomeka kwanu nobaLesa bangu. Ndaakunokwiimba akalumbu mukumulumbaisha ndimwe noMusalalite ba bene Isilaeli.

Kulumbaisha 92:3

Ncakwiila ncibotu kumulumbaisha kwiinda mukulisha kalumbu ka mawaya likumi, akumulumbaisha mumukumo wa kalumbu.

Kulumbaisha 92:4

NoBaami baLesa, milimo yanu ikankamika ilansangalasha. Ndeemba cakusangalala ceebo ca sheesho nshemucita.

Kulonga 15:20

Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana.

Ciyubululo 14:2

Mpeeke ndakanyumfwa liswi kuswa kwiculu lyakalinga kunyumfwika anga ngamaanshi atoowoota alimwi anga ncilulumo cinene. Liswi ili lyakalinga kunyumfwika anga mbeshikulisha tulumbu baanji batoolisha.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.